फ्राइडे रिलिज ः एक्लै आयो अनमोलको ‘कृ’

काठमाडौं । फ्राइडे रिलिजको परम्परा धान्दै आज शुक्रबारबाट देशभर चलचित्र ‘कृ’ प्रर्दशनमा आएको छ । युवास्टार अनमोल केसी अभिनित चलचित्रसँग अन्य भिड्न डराएका कारण ‘कृ’ एकल प्रदर्शन पाएको हो । यद्यपी ‘कृ’ले देशभरका चलचित्र भवन ओगटेको भने छैन । ‘कृ’ सँगै बलिउडस्टार अक्षय कुमार अभिनित चलचित्र ‘प्याडम्यान’ पनि रिलिजमा आएको छ ।

अनमोल केसी, अदीति बुढाथोकी, अनुप विक्रम शाही, कामेश्वर चौरासिया, सरोज खनाल, लक्ष्मी गिरी, रुपा राना लगायतका कलाकार अभिनित चलचित्र हो । सुवास इन्टरटेन्मेन्टको ब्यानरमा तयार भएको यो चलचित्रको प्रस्तुतकर्ता द सुपर काजोल फिल्मस् रहेको छ ।

कमल गिरी कार्यकारी निर्माता र श्री पराजुली सह–निर्मातारहेको चलचित्रले शुक्रबार देशभर ओपनिङ राम्रो गर्ने अनुमान गरिएको छ । चलचित्रको केही पहिले सार्वजनिक ‘यति यति पानी’ बोलको गीतले राम्रो चर्चा पाएको छ ।

केही चलचित्रमा रोमान्टिक अभिनयमा देखिएका अनमोलको यसपटक एक्सन र रोमान्टिक दुई अवतार रहेको निर्माण युनिटले दाबी गरेको छ । चलचित्रको टिकट मंगलवार साँझबाटै बिक्री खोलिएको थियो । अनमोलको क्रेज र चलचित्रको चर्चाका कारण ‘कृ’ले इनिसियल व्यापार आक्रामक हुने धेरैको अनुमान छ ।

सुरेन्द्र पौडेलले निर्देशन गरेको यो चलचित्रमा सुवास गिरी र भूवन केसीको लगानी छ । चलचित्रको बिहानी शो उपत्यकाको सबै चलचित्र भवनमा हाउसफुल रहेको निर्माता सुवास गिरीले जानकारी दिए ।

Give Your Opinion On "फ्राइडे रिलिज ः एक्लै आयो अनमोलको ‘कृ’"